Arredol. Curso d'aragonés. Método d'autoaprendizache

Librería Central - Arredol. Curso d'aragonés. Método d'autoaprendizache
Autor :
Editorial :
Gara d'Edizions
Código:978-84-8094-602-5
Año de publicación:2011

Istas cosas siempre prenzipian igual... ¿A que no yes capable d'elaborar un metodo d'autoaprendizache d'a luenga aragonesa?, sin parar cuenta que, a sobén, parellana proposa-trampa se torna en tot un reto y cuasi una custión d'onor ta un aragonés... ¿Que no? Pues agora te bas a enterar tu...


Siga como siga, astí lo tiens entre as tuyas mans, prebando d'aberiguar qué ye ixo de "Arredol" y si li fa chustizia a ixatro que diz "una gambadeta por a luenga aragonesa".


Nusatros lo te contamos. "Arredol" quiere estar un metodo t'aprender a fablar y amar a nuestra luenga, ixuplidada en bel caso, y en atros, prou a ormino, refusada u maltratada. Una aina que t'abrá de baler ta fer un curso de traza tradizional, ye dezir, indo ta clase y fichando como un campión, si ye que asinas lo prefieres; pero, y más que más, ye un metodo que te premitirá iniziar-te y fer-te una ideya prou aprosimada d'o que ye l'aragonés, por a tuya cuenta (y risque) y a o tuyo ritmo, porque contas con un amplo bocabulario y modelos de berbos. Pero talmén o que te pueda resultar más atrautibo ye que podrás trobar-ie un apéndiz con toz os exerzizios resueltos... Un traste útil si ye que plegas a tresbatir-te u a embolicar-te. A la finitiba, un metodo fresco y, quizau, no pas a l'uso. Estruturau de traza platera y an que te i podrás trobar con leuturas dialogadas, exerzizios arrienda y chuegos, muitos chuegos. Un tarabidau ludico-lingüistico que te menará por os camins de l'aragonés sin garra (u poquet) esfuerzo, de traza fázil y siempre prebando de no aburrir-te, que ya se sabe, que os idiomas los carga o diaple y que os follez d'as parolas son bien trafucadors. Si lo emos conseguiu, perfeuto. Pero ixo lo abrá de dezir o tiempo y, más que más, busatros, que lo abrez de patir si ye que tos da la lunada d'empezipiar-lo, rematar-lo y no tos tornaz barrenaus.


Ta rematar, a tu, aragonés, que has enzertau en agafar ista ferramienta, nomás nos manca que preguntar-te... A que no yes capable d'aprender aragonés...?

Relacionado:






      Diccionario aragonés






      Gramática de la lengua aragonesa


Compra con confianza y seguridad

Certificado UNE-175001 Librería Central Diploma de calidad y excelencia en la atención al cliente Librería Central

MasterCard y Visa pago seguro

Devolución sin problemas

Haz tus compras sin miedo a equivocarte: aceptamos devoluciones durante 15 días

Más sobre devoluciones